యాత్రకీర్తన.
1 ఇశ్రాయేలు ఇట్లనును
–నా యౌవనకాలము మొదలుకొని పగవారు నాకు
అధిక బాధలు కలుగజేయుచు వచ్చిరి
2 నా యౌవనకాలము మొదలుకొని నాకు అధిక బాధలు
కలుగజేయుచు వచ్చిరి.
అయినను వారు నన్ను జయింపలేకపోయిరి.
3 దున్నువారు నా వీపుమీద దున్నిరివారు చాళ్లను పొడుగుగా చేసిరి.
4 యెహోవా న్యాయవంతుడు
భక్తిహీనులు కట్టిన త్రాళ్లు ఆయన తెంపియున్నాడు.
5 సీయోను పగవారందరు
సిగ్గుపడి వెనుకకు త్రిప్పబడుదురు గాక.
6 వారు ఇంటిమీద పెరుగు గడ్డివలె నుందురు గాక
ఎదుగకమునుపే అది వాడిపోవును
7 కోయువాడు తన గుప్పిలినైనను
పనలు కట్టువాడు తన ఒడినైనను దానితో నింపు
కొనడు.
8 దారిన పోవువారు–యెహోవా ఆశీర్వాదము నీమీదనుండునుగాక
–యెహోవా నామమున మేము మిమ్ము దీవించు
చున్నాము అని అనకయుందురు.
—https://api-cdn.youversionapi.com/audio-bible-youversionapi/672/32k/PSA/129-3571e0ad23bd3adecf367b0c362f8d30.mp3?version_id=1787—